HomeBack MailMap
 
English
ՄԵՐ ՄԱՍԻՆ
ՀՐԱՊԱՐԱԿՈՒՄ
ՕՐԵՆՍԴՐՈՒԹՅՈՒՆ
ԳՈՐԾԸՆԿԵՐՆԵՐ
ՏԵՂԵԿԱՏՎՈՒԹՅՈՒՆ
ՀՀ ԳՈՐԾՈՂ ՁՊՎ-ՆԵՐ
ԼՈՒՍԱՆԿԱՐՆԵՐ
ԿԱՅՔԻ ՔԱՐՏԵԶ
ՀԵՏԱԴԱՐՁ ԿԱՊ

ԻՆՉՊԵՍ ՄԵԶ ԳՏՆԵԼ
ԹԵԺ ԳԻԾ` 077 85-99-66
ՏԵՂԵԿԱՏՎՈՒԹՅՈՒՆ Նորություններ
Սարի թաղի վերջին դեպքերի՝ ձերբակալությունների հետքերով

 Հուլիսի 30-ին Դիտորդական խումբը այցելություն կատարելով Երևան քաղաքի վարչության Երևանի ՁՊՎ հանդիպել է այնտեղ պահվող բոլոր ձերբակալվածների հետ, որոնց թվում էին նաև Արմեն Մարտիրոսյանը, Դավիթ Սանասարյանը և Անդրեաս Ղուկասյանը:

Նշենք, որ հուլիսի 30-ին Դիտորդական խումբը մեծ դժվարությամբ է մուտք գործել Երևանի ՁՊՎ, որովհետև մինչ ՁՊՎ-ի տարածք հասնելը ոստիկանները ամբողջությամբ շրջապատել և փակել են նշված հատվածը երկու գծով, որը մեծ խոչընդոտ էր հանդիսանում նաև ձերբակալվածների հարազատների համար նրանց հանձնուք փոխանցելու կամ տեսակցելու գործընթացին:

Ինչ վերաբերվում է նշված օրը հանդիպած ձերբակալվածների մարմնական վնասվածքներին դրանք շատ ավելի քիչ էին քան նախորդ ձերբակալությոթւնների ժամանակ:

Ամենածանր ու շատ մարմնական վնասվածքները առկա էին Անդրեաս Ղուկասյանի մոտ, ում Դիտորդական խմբի կողմից առաջարկվեց շտապ շտապօգնություն հրավիրել և բուժօգնություն ցուցաբերվի, հրաժարվեց և պահանջում էր իր անձնական բժշկին: Դիտորդական խումբն էլ միջամտեց, որպեսզի լուծվի Անդրեաս Ղուկասյանի անձնական բժշկի ներկայությունը նրան հետազոտելու համար:

Ի հավելում մամուլում տարածված այն լուրերին որ արդեն 30 ժամից ավելի է ինչ Արմեն Մարտիրոսյանից չկա որ մի տեղեկություն, նշենք, որ Դիտորդական խումբը շատ երկար ժամանակով հանդիպել է Արմեն Մարտիրոսյանին և նրա մոտ ամեն ինչ եղել է նորմալ, որևէ գանգատ տվյալ պահին ՁՊՎ-ից և ՁՊՎ-ի վարչակազմից չի ունեցել:

Դիտորդական խումբը այսօր՝ 31.07.2016թ-ին առավոտից սկսեց իր մոնիթորինգային աշխատանքները հենց Երևանի ՁՊՎ-ից : Վեջին 10 տարիների ընթացքում առաջին անգամ հանդիպեց խոչընդոտի, որով Դիտորդական խմբին մինչ ՁՊՎ-ի տարածք հասնելը փակ պահվող գոտուց թույլ չտվեցին առաջ շարժվել: Նշենք, որ եթե Դիտորդական խմբին միայն այսօր թույլ չեն տվել ՁՊՎ-ին մոտենալ և մուտք գործել, արդեն երկու օր է այնտեղ պահվող ձերբակալվածների հարազտները չեն կարողանում օգտվել իրենց իրավունքներից՝ հանձնուք փոխանցել ձերբակալվածներին, տեսակցել նրանց հետ: Նշված դեպքից հետո Դիտորդական խումբը այցելել է Երևան քաղաքի գրեթե բոլոր մոտ գտնվող ՁՊՎ –ներ և հանդիպել է այնտեղ պահվող բոլոր ձերբակալվածների հետ: Դիտորդական խմբի միջամտությամբ լուծվել է ինչպես տեսակցության, հանձնուքի, այնպես էլ անհրաժեշտ բուժօգնության մի քանի հարցեր:

Այսպիսով Դիտորդական խումբը տվյալ հայտարարությամբ միաժամանակ դիմում է ՀՀ ոստիկանությանը խնդրելով մեկնաբանել՝

1.        Դիտորդական խմբի աշխատանքները խոչընդոտելու հանգամանքը ինչի հետ է պայմանավորված, եթե պաշտոնապես որևէ սահմանափակումների և գործողությունների  վերաբերյալ չկա հայտարարություն:

2.        Անկախ առաջին կետի պատասխանից, Դիտորդական խումբը հիմք ընդունելով՝ Երևան քաղաքի ՁՊՎ մոտենալու, մուտք գործելու ստեղծված խոչընդոտները, առաջարկում է ժամանակավորապես դադարեցնել տվյալ ՁՊՎ-ի գործունեությունը և այնտեղ պահվող ձերբակալվածներին անհապաղ տեղափոխել մարզային գործող ՁՊՎ-ներ և պահել այնտեղ: 

31.07.2016          
«Սասնա ծռեր» խմբի անդամ Արամ Հակոբյանը առանց օգնության չի կարողանում տեղաշարժվել

Դիտորդական խումբը մամուլի ասուլիս է տվել հուլիսի 21-ից մինչ հուլիսի 29-ը ընկած ժամանակահատվածի համար 

 

https://www.youtube.com/watch?v=ZHw8bcrSVE0&feature=share

30.07.2016          
ԵՐԵՒԱՆՅԱՆ ԻՐԱԴԱՐՁՈՒԹՅՈՒՆՆԵՐ. ՁԵՐԲԱԿԱԼՎԱԾՆԵՐԻ ԻՐԱՎՈՒՆՔՆԵՐԸ ԶԱՆԳՎԱԾԱԲԱՐ ԽԱԽՏՎԵԼ ԵՆ

 Երեւանում «Սասնա ծռեր» զինված խմբի կողմից հուլիսի 17-ին ՊՊԾ գունդը գրավելուց հետո տեղի ունեցող հանրահավաքային ակտիվության ժամանակ ձերբակալված քաղաքացիների իրավունքները զանգվածաբար խախտվել են: Նրանցից շատերի վրա կան մարմնական վնասվածքներ, մեծ մասին պահել են Ոստիկանության զորամասում, ինչն անթույլատրելի է: Սա օրենքի 100 տոկոսանոց խախտում է: 

Այս մասին «Մեդիա կենտրոնում» հուլիսի 29-ին կայացած քննարկմանը հայտարարեց ՀՀ ոստիկանության ՁՊՎ-ներում վերահսկողություն իրականացնող հասարակական դիտորդական խմբի անդամ Սուրեն Իսկանդարյանը:

Նա նաեւ տեղեկացրեց, որ այս օրերին ահազանգեր են ստացել այն մասին, որ բերման ենթարկվածների հարազատները որևէ տեղեկություն չունեին իրենց մասին: «Բերման ենթարկվածներից շատերին տեղափոխել են ոչ թե ոստիկանության բաժին, այլ տարել են զորամաս: Օրենքի ոչ մի կետով կանոնակարգված չէ բերման ենթարկված անձանց բացի ոստիկանությունից` որևէ այլ տեղ տեղափոխելու, ինչ-որ զորամասում պահելու հանգամանքը: Սա օրենքի 100 տոկոսանոց խախտում է: Դա արվել է մարդկանց մեկուսացնելու համար, վառ օրինակ Լևոն Բարսեղյանի դեպքը: Փաստացի` նա մեկուսացված է»,- հայտարարեց Իսկանդարյանը:

Միեւնույն ժամանակ նա նկատեց, որ բեման ենթարկվածների գրեթե 95 տոկոսը ազատ է արձակվել: «Այսինքն՝ խնդիր է դրվել մարդկանց մեկուսացնել ու ահագին մասին կարելի է ասել անհիմն են բերման ենթարկել», - հավելեց նա:

Ասուլիսի մյուս բանախոս ՀՀ Ոստիկանության ՁՊՎ-ներում վերահսկողություն իրականացնող հասարակական դիտորդական խմբի նախագահ Հասմիկ Սահակյանը տեղեկացրեց, որ Էրեբունու ՊՊԾ-ի գրավման առաջին օրերից հետեւում են իրադարձություններին, իսկ քաղաքացիներին բերման ենթարկելուց հետո դիտորդական խումբը 24-ժամյա ռեժիմով աշխատող շտաբ է ձեւավորել: «Շտաբի աշխատակիցներն այցելել են բոլոր ՁՊՎ-ներ», - տեղեկացրեց նա:

Այս ընթացքում խումբը ահազանգեր է ստացել, որ կան անհայտ կորածներ:  «Ձեռնարկված միջոցառումների արդյունքում բացահայտեցինք, որ մարզային ՁՊՎ-ներում կան քաղաքացիներ՝ այն հիմնավորմամբ, որ Երեւանի ՁՊՎ-ում տեղ չի եղել: Երեւանում, հուլիսի 21-ին, 136 անձ է բերման ենթարկվել»,- ասաց Սուրեն Իսկանդարյանը՝ հավելելով, որ բերման ենթարկված բոլոր անձանց մոտ մարմնական վնասվածքներ են եղել. «Մարմնական վնասվածքները տարբեր են եղել, կային վնասվածքներ, որոնք հնարավոր չէր բերման ենթարկելուց առաջանային, ինչպես՝ աչքի տակ կապտուկներ»:

Անդրադառնալեվ իրավապաշտպան, Գյումրու ժուռնալիստների «Ասպարեզ» ակումբի նախագահ Լեւոն Բարսեղյանի ձերբակալությանը՝ Իսկանդարյանը հայտարարեց, որ միտումը նույնն է՝ «մեկուսացնել մարդուն»: «Բարսեղյանին բերման են ենթարկել գիշերը 02:15-ի սահմաններում, տարել՝ Շենգավիթի բաժին, հետո տեղափոխել Գյումրու` Կումայրի բաժին՝ ծանուցագիր տրամադրելով, որ ստորագրի: Բարսեղյանը հարցրել է, որ արդյոք ստորագրելուց հետո պետք է բաժնից դուրս գա եւ ներկայանա ըստ ծանուցագրի, նրան սակայն թույլ չեն տվել լքել տարածքը: Փաստացի պահում են այնտեղ ապօրինի ձեւով», - ընդգծեց Իսկանդարյանը՝ հավելելով, որ այսօր 02:15-ին լրանում է Բարսեղյանին ազատությունից զրկելու 72 ժամը:

Ուստի, ըստ նրա, օրենքով սահմանված ժամկետը լրանալուց հետո կամ պետք է վերջինիս ազատ արձակեն, կամ կալանավորեն: Նրա խոսքով, սառը զենք կրելու հատկանիշներով հարուցված քրեական գործը հնարավոր է կարճվի, քանի որ նախորդ տարի Բաղրամյան պողոտայում բողոքի ակցիաների ժամանակ այդ դանակը եւս եղել է իր մոտ: «Հատկանաշական է, որ այն ժամանակ, երբ բերման են ենթարկել որեւէ խնդիր չի առաջացել», - ասաց նա:

Այժմ Երեւանի ՁՊՎ-ում երկու քաղաքացի կան՝ Լեւոն Բարսեղյանն եւ «Սասնա ծռեր» խմբի անդամ Արամ Հակոբյանը, հավելեց Սուրեն Իսկանդարյանը:

Հասմիկ Սահակյանի խոսքով, դիտորդական խումբն այցելել է Արամ Հակոբյանին ու տեսել են, որ նա մարմնական վնասվածքներ ունի: «Հակոբյանը շատ դժվար էր շարժվում: Նա պատմեց, որ վիրավորներին պատգարակով տեղափոխելիս, երբ նրա մոտ զենք չի եղել, յոթ ոստիկաններ հարձակվել են իր վրա ու ծեծել են: Ընդ որում ԱԱԾ տեղափոխելիս ողջ ճանապարհին ծեծել են: Շարունակել են ծեծել մինչև ԱԱԾ երրորդ հարկ բարձրացնելը», - տեղեկացրեց նա՝ հավելելով, որ Արամ Հակոբյանը ՁՊՎ-ում հրաժարվել է շտապօգնությունից, այլ միայն ցավազրկող է խնդրել:

Արամ Հակոբյանին, Հասմիկ Սահակայնի խոսքով, պետք է դատաբժիշկ այցելի, որից հետո մանրամասներ կհաղորդեն:

Ասուլիսին ներկա էր նաեւ Հանրային խորհրդի անդամ Արշակ Սադոյանը, ում որդուն՝ Արեգ Սադոյանին, Երեւանում ծավալվող իրադարձությունների շրջանակում եւս բերման են ենթարկել քաղաքացիական հագուստով ոստիկաններ: Սադոյանի որդուն արդեն իսկ կալանավորել են, ինչն Արշակ Սադոյանն անվանում է «ահաբեկման ձեւ»: Նա նաեւ ասաց, որ Հատուկ քննչական կոմիտեի նախագահ Աղվան Հովսեփյանն իրեն անձամբ խոստացել է, որ Արեգ Սադոյանին ազատ արձակել, որից հետո կալանավորման մասին որոշում է կայացվել:

«Մենք ականատես ենք լինում, թե ինչպես են մարդկանց անհիմն բերման ենթարկում: Իմ որդուն` Արեգին ևս ձերբակալել են, ինձ խոստացել էին, որ տղայիս բաց կթողնեն մի քանի ժամից, բայց դեռ անազատության մեջ է առանց որևէ հիմքերի, բացի այդ մեր տանն իրականացրել են խուզարկություն և ապօրինաբար տարել իմ համակարգիչը»,- եզրափակեց Արշակ Սադոյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր 

http://media-center.am/hy/1469788486

29.07.2016          
Խորենացի փոխոցում կատարված ձերբակալությունների հետքերով

Դիտորդական խումբը օգտագործելով իր լիազորությունները հուլիսի 21-ից պարբերաբար այցելություններ է կատարում Երևան քաղաքի վարչության Երևանի ՁՊՎ: Հուլիսի 21-ին Դիտորդական խումբը արձանագրեց, որ Երևանի ՁՊՎ-ում պահվում էին 4 ձերբակալված անձիք` կապված ՊՊԾ գնդի գրավման և դրանից հետո հետևող գործողությունների շրջանակներում: Նշենք, որ նշված 4 անձանցից 2-ը ձերբակալվել էին, որպես ՊՊԾ գնդում գտնվողների աջակիցներ, 1-ը` Սարի Թաղի բախումների դեպքերիի հետ կապված էր ձերբակալվել, իսկ վեջինը` հենց առաջին ձերբակալվածն էր Խորենացի փողոցում կատարված հանրահավաքի արդյունքում:

 

22.07.2016թ-ին Դիտորդական խումբը Երևանի ՁՊՎ այցելելով արձանագրեց, որ նախկին 4 ձերբակալվածներին ավելացել էին ևս 15 ձերբակալված անձիք արդեն Խորենացի փողոցում հուլիսի 20-ին և 21-ին հանրահավաքից հետո կատարված բախումների հետևանքով:

Նշենք, որ ինչպես հուլիսի 21-ին և 22-ին Դիտորդական խումբը թեժ գծին ահազանգեր էր ստացվում տարբեր իրավապաշտպան կազմակերպություններից և հարազատներից, ովքեր տեղեկություններ էին փորձում ճշտել, կորած իրենց հարազատների վերաբերյալ: Որոշ ձերբակալվածների վերաբերյալ Դիտորդական խումբը ունենալով տեղեկատվություն միանգամից փոխանցեց, որ գտնվում են Երևան քաղաքի ՁՊՎ-ում, իսկ որոշ անձանց վերաբերյալ ինֆորմացիա չունենալով,  Դիտորդական խումբը  շատ կասակածելի համարելով փաստը, հրավիրեց արտահերթ նիստ և որոշվեց, որ համապատասխան այցելություններ պետք է կատարվեն ՀՀ ոստիկանության այլ մարզային բաժնի ՁՊՎ-ներ:

Հուլիսի 23-ին Դիտորդական խումբը այցելություններ կատարելով ՀՀ ոստիկանության Արմավիրի ՄՎ Վաղարշապատի և ՀՀ ոստիկանության Արարատի ՄՎ Մասիսի ՁՊՎ-ներ  արձանագրեց, որ նշված դեպքերի հետ կապված Վաղարշապատի ՁՊՎ-ում պահվում էին 7 ձերբակալված անձիք իսկ Մասիսի ՁՊՎ-ում` 2 ձերբակալված անձիք:

Ցանկանում ենք նշել, որ հարազատների կողմից կորած համարվող Ա.Գ-ն հայտնաբերվեց  Վաղարշապատի ՁՊՎ-ում :

Ավելացնենք, որ Դիտորդական խումբը շարունակելու է իր առաքելությունը հնարավորինս շատ ՁՊՎ-ներ այցելելով, և բացահայտել մնացած ձերբակալվածների գտնվելու վայրերը:

Դիտորդական խումբը այս 3 օրերի ընթացքում արձանագրել է, որ բոլոր ձերբակալվածների մոտ  առկա են մարմնական վնասվածքներ :

Միաժամանակ ցանկանում ենք շեշտադրում կատարել այն հանգամանքի վրա, որ նշված անձանց մոտ առկա որոշ մարմնական վնասվածքներ և իրենց պնդումները ապացուցում են, որ նրանց նկատմամբ կիրառվել է վատ վերաբերմունք և նրանք խոշտանգվել են: Բացի ձերբակալվածների պնդումները, Դիտորդական խումբը արձանագրել է, որ որոշ ձերբակալվածների մոտ առկա էր աչքերի տակ կապտուկներ և այտուցվածություններ, որոնք դիմադրութուն ցույց տալու հետևանքով չէր կարող անձանց մոտ առաջանալ:

Նշվածի ապացույց է այն հանգամանքը, որ  նշված կապտուկներըը դիմադրություն ցույց տալու արդյունք չեն,, այլ ծեծի և խոշտանգման հետևանք, որովհետև տվյալ ՁՊՎ-ներում բոլոր մարմնական վնասվածքները գրանցված էին անխնդիր, բացի մեր կողմից նշված երեք անձանց մոտ արձանագրված աչքերի կապտուկներից և այտուցվածությունից:

Դիտորդական խումբը ցանկանում է փաստել, որ բոլոր ձերբակալվածները միաբերան պնդում էին, որ իրենք բռնություն կամ դիմադրություն ցույց չեն տվել, բայց իրենց նկատմամբ կիրառվել է վատ վերաբերմունք:  

Ցանկացած տեղեկություն ստանալու համար կարող եք դիմել Դիտորդական խմբի թեժ գծին զանգահարելով` +374 77 85 99 66:

 

23.07.2016          
ՀՀ ոստիկանության Դիտորդական խումբը հանդիպել է Ժիրայր Սեֆիլյանին

 Այսօր՝ հունիսի 21-ին առավոտյան ՀՀ ոստիկանության ձերբակալված անձանց պահելու վայրերում վերահսկողություն իրականացնող հասարակական Դիտորդական խումբը ՀՀ ոստիկանության Երևան քաղաքի վարչության Երևանի ՁՊՎ-ում հանդիպեց և զրուցեց  Ժիրայր Սեֆիլյանի հետ:

Զրույցի ընթացքում Ժ.Սեֆիլյանը հայտնեց, որ իր  մոտ ամեն ինչ նորմալ է:

Ըստ Ժ. Սեֆիլյանի՝ իր ձերբակալությունը իր նկատմամբ հերթական քաղաքական հալածանք է:

Դիտորդական խումբը մոտ օրերս կրկին կայցելի և կհանդիպի Ժ.Սեֆիլյանին: 

21.06.2016          
Ձերբակալվածներին պահելու վայրերում մարդու իրավունքները՝ ԵԱՀԿ աջակցությամբ իրականացվող աշխատաժողովի ուշադրության կենտրոնում

Ձերբակալվածներին պահելու վայրերում (ՁՊՎ) մարդու իրավունքների պաշտպանության խթանմանն ու ուժեղացմանն ուղղված  երկօրյա աշխատաժողովը մեկնարկեց 2016 թ. ապրիլի 12-ին Դիլիջանում: Աշխատաժողովը կազմակերպվել է ԵԱՀԿ երևանյան գրասենյակի կողմից՝ ՀՀ ոստիկանության ձերբակալվածներին  պահելու վայրերում վերահսկողություն իրականացնող հասարակական Դիտորդական խմբի հետ համագործակցությամբ:

Ոստիկանության շտաբի, Բժշկական վարչության և երկրի հյուսիսային մարզերի ոստիկանության ՁՊՎ-ների շուրջ քսան ոստիկանության սպաներ, ինչպես նաև քաղաքացիական հասարակությունը ներկայացնող հասարակական դիտորդների խումբը  կդիտարկեն ոստիկանության ՁՊՎ-ներում մարդու իրավունքների պաշտպանության և սանիտարահիգիենիկ պայմանների հետ կապված հարցերը:

 Մանրամասն այստեղ՝ http://www.osce.org/hy/yerevan/232781

14.04.2016          
ՀՀ ոստիկանության Դիտորդական խումբը ընդունում է նոր անդամների թեկնածուների հայտեր

ՀՀ ոստիկանության ձերբակալված անձանց պահելու վայրերում վերահսկողություն իրականացնող հասարակական Դիտորդական խումբը կազմակերպում է նոր անդամների ընդգրկում:

Դիտորդական խումբը Ձերբակալված անձանց պահելու վայրերում պահվող անձանց իրավունքների պաշտպանությամբ զբաղվող վերահսկող մարմին է: Խումբը գործում է հասարակական հիմունքներով : 

Յուրքանչյուր հասարակական կազմակերպություն Դիտորդական խմբի կազմում կարող է առաջադրել մեկ նոր անդամի թեկնածու:

 Խմբի անդամ կարող է լինել 18 տարին լրացած, հայերենին տիրապետող ՀՀ քաղաքացին՝ անկախ ազգությունից, ռասսայից, սեռից, դավանանքից, քաղաքական կամ այլ հայացքներից, սոցիալական ծագումից, գույքային կամ այլ դրույթներից:

Հավակնորդը ներկայացնում է դիմում, անձնագրի պատճեն, ինքնակենսագրություն, առողջության մասին տեղեկանք, իրեն ներկայացնող կազմակերպության երաշխավորագիր, կազմակերպության կանոնադրության պատճեն:

Նախապատվությունը տրում է իրավաբանի, մանկավարժի, բժշկի, հոգեբանի մասնագիտություն ունեցող անձանց:

Նախապատվությունը տրվում է իրավաբանի, մանկավարժի, բժշկի, հոգեբանի մասնագիտություն ունեցող անձանց:

16.02.2016          
ՀՀ ոստիկանության Դիտորդական խումբը ընդունում է նոր անդամների թեկնածուների հայտեր

ՀՀ ոստիկանության ձերբակալված անձանց պահելու վայրերում վերահսկողություն իրականացնող հասարակական Դիտորդական խումբը կազմակերպում է նոր անդամների ընդգրկում:

Դիտորդական խումբը Ձերբակալված անձանց պահելու վայրերում պահվող անձանց իրավունքների պաշտպանությամբ զբաղվող վերահսկող մարմին է: Խումբը գործում է հասարակական հիմունքներով : 

Յուրքանչյուր հասարակական կազմակերպություն Դիտորդական խմբի կազմում կարող է 

առաջադրել մեկ նոր անդամի թեկնածու:

 

16.02.2016          
Հայտարարություն՝ Ի լրացում Դիտորդական խումբը առաջարկում է իր գործունեության կարգում կատարել փոփոխություն

Առաջարկության վերաբերյալ պատասխան է ներկայացրել ՀՀ Արդարադատության նախարարությունը:  

 

12.02.2016 File.PDF           

1 2 3 4 ... >>>
Կայքը գործում է Բաց հասարակության ինստիտուտի օժանդակության հիմնադրամ
Հայաստանյան գրասենյակի հովանավորությամբ
www.google.com/analytics
598276
589808